Япыр-ай (Қазақ ауыз әдебиеті)

Жаз болса жарқыраған көлдің беті-ай ау
Көгеріп көрінеді япурай алыс шеті-ау
Дірілдеп толқын басқан мөлдір суың
Шайқайды жас баладай япурай желдің лебі-ай

Алтын бу айна көлдің бетін жабар-ай
Ақ сәуле көктен төніп, япурай, маржан тағар-ай
Есімде ақ сәулеңді алған кезде-ау
Ақ моншақ жылт-жылт етіп япурай жерге тамар-ай
Жаз болса жарқыраған көлдің беті-ай ау
Көгеріп көрінеді, япурай, алыс шеті-ау
Дірілдеп толқын басқан мөлдір суың
Шайқайды жас баладай япурай желдің лебі-ай
Шайқайды жас баладай япурай желдің лебі-ай