Жұмбақтар жауабымен: Қолөнер (ине, жіп, оймақ, қайшы, түйме, ұршық)

Жұмбақтар жауабымен: Қолөнер (ине, жіп, оймақ, қайшы, түйме, ұршық)


ТАҒЫ ДА ОҚЫҢЫЗДАР:
ҰБТ. Қазақ тілі пәнінен қалай дайындалған дұрыс?

Өзі жып етеді,
Ізімен жіп өтеді.
Ине-жіп

Əлемді 18 мың киіндіріп,
Дүниеден жап-жалаңаш өзі безді.
Ине

Тұтқасыз таба жай,
Ұнатады көп апай.
Оймақ

Бір шұқырда мың шұқыр.
Оймақ

Екі темір бірігіп,
Кесіп, пішіп береді,
Екеуі бірге жүрмесе
Жоқ қой бізге керегі.
Қайшы

Сызылған жолға түседі,
Бойына шақ қып пішеді.
Қайшы

Жарқылдаған қос қылыш,
Қолға тисе жоқ тыныш.
Қайшы

Қолымда бір құсым бар екі басты,
Аяғын басқан кезде нәрсе қашты.
Аузын аждаһадай ашқан кезде,
Өлектеп атып тастар ішкен асты.
Қайшы

Екі басты жалмауыз,
Кейіп аузын ашады.
Алдына түскен нәрселер,
Өзінен-өзі қашады.
Қайшы

Ін қазып тұмсығымен жып-жып еткен,
Арқаны жүреді артта қалмай ерткен.
Жыбырлап істегені тез өнеді,
Іс қалып алғыс алар талай көптен.
Біз, тарамыс, етікші

Сүйрей, сүйрей сүйреткімді жоғалттым.
Сабақталған ине

Жансыз бір зат адамның айтқанын қылғызады,
Семсерін сермеп, найзаға тік тұрғызады,
Шағылысуы бар, баласы болмайды,
Күндіз шағылысады, түнде дем алады.
Ине, түйме, түймені тігу

Бастайды көп жыланды бір көк жылан,
Бір нәрсе жыландармен соғыс қылған,
Көк жылан бір нәрсеге көнек болып,
Тауысып барлығын да тыныш қылған.
Ине, жіп

Мұрнында байлауы бар,
Адамның айдауы бар.
Ине

Жылмаң-жылмаң етеді,
Жылмаңдатып сайдан өтеді,
Із-міз тастап өтеді.
Ине

Кірш-кірш етеді,
Ішіне кіріп кетеді.
Ине

Байлап едік тайлақты,
Мұрнынан арқан өткізіп,
Байласам да тұрмайды,
Шыр айналып жүгіріп.
Ине

Бір кішкене білауыз,
Ол білауыз шығып болса,
Жұрттың бәрі жалауыз.
Ине

Жылт-жылт еткен,
Жылғадан өткен.
Балдырған безген,
Кентті кезген.
Ине

Іші қуыс,
Тысы тас.
Ұршықтың басы

Бар екен дүниеде жалғыз көзді,
Сол көзбен дүниенің бәрін кезді.
Әлемді он сегіз мың киіндіріп,
Дүниеден жап-жалаңаш өзі безді.
Ине

Бөркі бар жақсы басында,
Он кісі бар қасында,
Бұйда тағып жетектеп,
Үйреттім өзім жасында.
Ұршық

Шыр көбелек айналар,
Беліне жіп байланар.
Ұршық

Ақ лағым арық еді,
Құйымшағы сымпиған.
Әжем бір күн бағып еді,
Семіз болды бұлтиған.
Ұршық

ТАҒЫ ДА ОҚЫҢЫЗДАР:
Кір сабынның пайдасы





Комментарии для сайта Cackle