Көңіл, көңілшек

 Көңіл, көңілшек

Көңіл кең болса, үйдің тарлығы білінбес.

Жақсының өңі қартайса да,
Көңілі қартаймайды.

Көңілсіздің көлігі шаппас.

Жақсы жұмыстан
Жан рахат алады.
Жаман жұмыстан,
Көңіл қалады.

Мір тәуекел бұзады,
Мың қайғының қаласын;
Бір жылы сөз бітірер
Мың көңілдің жарасын.

Көз — нұрдың ұясы,
Көңіл — сырдың ұясы,
Сезім — жырдың ұясы.

Тіл — көңілдің кілті.

Көңілдегі құпияңды —
Көзің айтып қояды,
Көп сөйлеген күпілдеп —
Сөзің айтып қояды.

Көбікті қарда түлкі ойнар,
Көңілді көзде күлкі ойнар.

Көңілің тартпаған іске қол ұрма.

Төсектің тарлығы — тарлық,
Көңілдің тарлығы — қорлық.

Көзі соқырға жолдас болсаң да,
Көңілі соқырға жолдас болма.

Көз көргенді көңіл тілейді.

Адамның көңілі
Бір атым насыбайдан қалады.

Көңілсізден күлкі шықпас.

Көңілден қайыр,
Көзден мейір.

Көз көрмей, көңіл сенбейді.

Оқып сөйлеме,
Көңіліңе тоқып сөйле!

Жүрек сүю үшін жаралған,
Көңіл түю үшін жаралған.

Көңілсіз басталған іс
Көпке бармайды.

Ер не көрмейді,
Ер көңіл не бермейді.

Сырқат пен семіру — көңілден.

Көңіл жетсе, бәрі жетер.

Көзі сынық инемен
Көйлек тіге алмайсың.
Көңілі сынық құрбымен,
Ойнап-күле алмайсың.

Көзден кетсе, көңілден кетеді.

Көзің барда көргенің –
Көңіліңе тергенің.

Бұлтты күн ашылар,
Бұлыңғыр көңіл басылар.

Үйі жоқтың көңлінде
Алтын сарай жүреді.

Көңілі қаран
Жолдасынан айрылады.
Көп жасаған,
Құрдасынан айрылады.

Көңіл жақсы болғаны – өмір жақсы болғаны.

Құлақтан кірген суық сөз,
Көңілге барып мұз болар.

Дос досқа жалынса,
Достың көңілі алынады.

Болымсыздан үлгі шықпас,
Көңілсізден күлкі шықпас.

Көз - бұлақ,
Көңіл - сынап.

Адам құлақтан азады,
Көңілден семіреді.

Арымақ, семірмек көңілден.

Көлденең кісі көңілге қарамайды.

Атаның көңілі балада,
Баланың көңілі далада.

Қалған көңіл шыққан жанмен семіреді.

Көңіл қартаймас, көз қартаяр.

Көзі соқырдан қорықпа,
Көңілі соқырдан қорық.

Тілі тәтті - көңілі қатты.

Көршімен татудың көңілі тыныш.

Тоны жаманды ит қабар,
Көңілі жаманды құдай табар.

Көңілі ояудың - көзі ілінбейді,
Уақыттың өткені білінбейді.

Әрі жат, бері жат -
Төсек тарлығы.
Сенікі-менікі -
Көңіл тарлығы.

Көзден жоғалған,
Көңілден де табылмайды.

Көзден алыстаған,
Көңілден де алыстайды.

Құлақ естісе – көңіл біледі,
Көз көрсе – құмарлық келеді.

Бұтағы көп ағашқа құс қонады,
Жақсы адамның көңілі хош болады.

Атың жақсы болса — жолдың жырағы,
Ұлың жақсы болса — көңіл шырағы.

Тісің кетік болса да, көңілің бітік.

Бұқаның өзі қартайса да, мұрны қартаймайды.
Жақсының өзі қартайса да, көңілі қартаймайды.

Тіл – көңілдің тілмәші.

Көңіл — сөздің сандығы.

Адамның көңілі де көк сияқты қаулайды, семеді.

Ақыл дария екен,
Көңіл дүлдүл екен.

Ақылды ер әр адамның көңілін аулар,
Күйзеліп күнде күншіл жоқты даулар.

Базарда пұлы бардың көңілі тоқ,
Қатындардың, қарасаң, опасы жоқ.

Бақсаң, қайғы-қуаныштың арты сол,
Мәз боп өссең, мұң басады, шарты сол.
Семіртеді, шат қып көңіл өсіред,
Аздырады сосын қайғы-қасірет.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 3 253



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі