Қайырымдылық туралы мақал-мәтелдер



ТАҒЫ ДА ОҚЫҢЫЗДАР:
Иман үйіру дұғалары

Он адам жүрген жерде із қалады,
Жүз адам жүрген жер – соқпақ,
Мың адам жүрген жерде жол қалады.

Жамандық пайда етпейді,
Жақсылық зая кетпейді.

Кең болсаң, кем болмайсың.

Жамандықты көп қуған
Бір бәлеге жолығар.
Жақсылықты көп қуған,
Бақ дәулетке молығар.

Жақсылық қылсаң, жасыр,
Жақсылық көрсең, асыр.

Қайыр қылсаң, бүтін қыл.

Жақсыға қылған жақсылық
Өміріңде тозбайды.
Жаманға қылған жақсылық
Бір күнгідей болмайды.

Жақсылыққа жақсылық,
Әр кісінің ісі.
Жамандыққа жақсылық,
Ер кісінің ісі. 

Мейірімділік жүректен,
Мейірімсіздік білектен.

Басыңа іс түссе,
Жақсы көмек етеді,
Жаман күліп кетеді.

Жақсының айтқаны келмейді,
Жаманның сандырағы келеді. 

Біреу – біреуге сүйеу.

Адамгершілікке арналған үш сауап бар:
Шөлге құдық қазған бір сауап,
Өзенге көпір салған бір сауап,
Жолға ағаш еккен бір сауап.

Жақсының соңынан көп ереді,
Жаманның соңынан шөп ереді. 

Жұмсақ ағаш құртқа жем,
Жұмсақ адам жұртқа жем.

ТАҒЫ ДА ОҚЫҢЫЗДАР:
ҰБТ. Әдебиет пәнінен қалай дайындалған дұрыс?





Комментарии для сайта Cackle