Өлең: Қадыр Мырза Али (Не ұтып неден ұтылдым?)

Өлең: Қадыр Мырза Али (Не ұтып неден ұтылдым?)


ТАҒЫ ДА ОҚЫҢЫЗДАР:
Қымыздың қасиеттері мен пайдасы

Айтып көрді жалынып,
Қорқытты да,
Қоймадым.
Асыққа бір салынып,
Армансыз-ақ ойнадым.
Досым маған тіл қатып,
Досым маған қарайды.
— Кетіпті ғой күн батып,
Жетеді осы,
Жәрәйді!
Үсен болса кемсеңдеп:
— Мен,— дейді,— үйге асықпан.
Түк қалмады, сенсеңдер,
Түк қалмады асықтан!—
Жарас болса булығып,
Жылағалы тұр ол да.
Кәдеге аспай қулығы,
Қағылғанның бірі ол да.
Бұл қызыққа мен таңмын,
Бір тамаша болыпты:
Төртеуі де қалтамның
Түрлі асыққа толыпты.
Олар мұны қалды ұғып,
Ырзамын бұл күйге мен.
Бірақ шаршап-шалдығып,
Әрең жеттім үйге мен.
Ішкеннен соң тамақты,
Қарамай-ақ есепке,
Оқымай-ақ сабақты,
Аунай кеттім төсекке.
Оқытушым ертесін
Төрт сабақтан сұрады.
«Көк жалқаусың, еркесің!»
Дегені есте тұр әлі.
Күн болды бір өзгеше,
Күн болды бір бүлінген.
Асық ұтып мен кеше,
Ұтылыппын білімнен!

ТАҒЫ ДА ОҚЫҢЫЗДАР:
Арықтаудың өнімді тәсілі



00


Комментарии для сайта Cackle