Өлең: Қадыр Мырза Али (Дала дастарханы)

Өлең: Қадыр Мырза Али (Дала дастарханы)


ТАҒЫ ДА ОҚЫҢЫЗДАР:
Махаббат хикаясы: Бәріне жүрек кінәлі

Жолдастарға
Достарға
Қажеті жоқ дауыңның.
Қонаққұмар дастарқан
Картасындай ауылдың.
Енесі көз алмайды
Елпілдеген келіннен.
Майда құрттар аумайды
Мәліш қойдан бөлінген.
Сары ірімшік түйірі
Сары алтындай шайылған
Сиырлардай Бүйірі
Шыққанша бір жайылған.
Талқаным-ай!
Тарым-ай!
Тегіс қойған аямай.
Жанындағы сары май
Жазда үйген маядай.
Шұғылалы, арайлы
Шоқ қыздырып астынан
Шыны аяққа қарайды
Шөккен нардай тасқұман.
Қозы етінің жанында
Қандай ғажап сұр етің. ...
Дастарқанға салынған
Бүкіл ауыл суреті

ТАҒЫ ДА ОҚЫҢЫЗДАР:
Оразаның денсаулыққа он пайдасы





Комментарии для сайта Cackle