Өлең: Мұқағали Мақатаев (Бір әңгіме қозғашы ауыл жайлы)

Өлең: Мұқағали Мақатаев (Бір әңгіме қозғашы ауыл жайлы)


ТАҒЫ ДА ОҚЫҢЫЗДАР:
Бизнеске кеңес: Шағын, орта және ірі бизнес деген не?

Бір әңгіме қозғашы ауыл жайлы,
Бұдан артық рахат табылмайды.
Бұлдырасын өткен күн сағымдай бір,
Бір әңгіме қозғашы ауыл жайлы.
Қар да ілігіп қалған-ды тау басына,
Мұз тоңды ма бұлақтың жамбасына?
Суық келіп, суыр да жатқан шығар,
Қамдап алып азығын қамбасына.
Төрт түліктен төгілген шалқар әнді,
Ұзатқан-ды, жайлау да тарңаған-ды.
Ескі жұртты тіміскіп, қорқау әлгі
Қажалап та жүрген-ді қаңқаларды.
Сағыныштай сарғайып жанды ма күз,
Сары шәйі жамылып алды ма түз?
Қурайларын сыңсытып сыбызғыдай,
Қаңбағы ұшып, қаңырап қалды ма аңыз?
Әңгімеле тауын да, даласын да,
Қырқасын да, сайын да, саласын да.
Ақбоз үйдің түндігін желпілдетіп,
Қонды ма кеп қойлы ауыл Қарасуға?
Қарасуға қосылып тұна барып,
Жатқан болар іргеде бұлақ ағып?
Арып келіп, тойынып қайтқан болар,
Toп тырналар аспанға сына қағып?

ТАҒЫ ДА ОҚЫҢЫЗДАР:
Әрдайым сымбатты көрініп денсаулығым мықты болсын десеңіз ас мәзіріңізге пайдалы 12 тағамды енгізіңіз





Комментарии для сайта Cackle