С дыбысы және әрпі

 С дыбысы және әрпі

Мақсаты: Жаңа С дыбысы және оның әріп таңбасымен таныстыру. С дыбысы бар сөздер айтып, талдау.
Білімділік: Сөйлеу мәдениетін қалыптастыру және сауатты жазуға үйрету.
Дамытушылық: С дыбысы мен әрпін оқыту арқылы балалардың ойлау, есте сақтау қабілетін, сөздік қорларын дамыту.
Тәрбиелік: Балаларды ұқыптылыққа және ойын толық жеткізіп айтуға үйрету.
Көрнекіліктер: суреттер, кеспе әріптер,«С» әрпінің баспа түрі, саңырауқұлақтар.

Сабақ барысы:
Ұйымдастыру кезеңі:
Балаларды шаттық шеңберіне тұрғызып, бір - біріне жылулық лебізін білдіру.
Армысың алтын күн!
Армысың асыл жер!
Армысың жан досым!
Жылуыма жылу қос,
Мінекей менің қолым!
- Балалар өткен сабағымызда қандай дыбыспен танысып едік? «Б» дыбысынан басталатын кім көп сөз айтады?

Жаңа сабақ:
Балалар тақтадағы суретке қарап атайықшы, қандай суреттерді көріп отырсыңдар?
Сүт, сағат, сандық, сабын. Яғни сөздердің басында қандай дыбыс естіледі?
Дұрыс айтасыңдар бүгін біздер С дыбысымен танысамыз. Балалар дыбыстар нешеге бөлінеді?
- Дауысты, дауыссыз болып екіге бөлінеді. Дауысты дыбыстарды қызыл текшемен, ал дауыссыз дыбыстарды көк текшемен белгілейміз. Ал бәріміз С дыбысын айтып көрейікші.
«С» дыбысы қалай айтылады? Тілдің ұшы астыңғы тіске тіреледі, кедергілер арқылы шуылдап шығады. «С» дыбысы дауыссыз дыбыс, қане бәріміз ауада жазып көрейікші.
Балалар мен сендерге жұмбақ жасырайын:
Жаздай інге тығылып,
Жатқан қызыл түлкіні.
Құйрығымен суырып,
Әкелді әжем біркүні. \cәбіз\
Сәбіз сөзін буынға бөлгізу арқылы с дыбысы қай буында тұрғандығын тапқызу.

Сергіту сәті:
Сағаттың тіліндей,
Иіліп оңға бір.
Сағаттың тіліндей,
Иіліп солға бір.
Оң аяқ, сол аяқ,
Жаттығу оңай - ақ!
Кірпінің тапсырмасы:
«Себетке саңырауқұлақ жинау» ойыны:
Балалар біртіндеп тақтаға шығады. мен тапсырмалар жасырылған, сол тапсырмаларды дұрыс орындап себетке саңырауқұлақ жинайды.
Текшелерге кеспе әріптермен тас, ас, са - на сөздеріне буын құрастыру.

Дәптермен жұмыс:
Балалар әліппе дәптеріміздегі суретке қарайықшы. Суреттегі С дыбысынан басталған сөздерді атап, оған сөйлем ойлап табайық.

Мысалы: Сандық сыртындағы ою өте әдемі. т. б.
«С» дыбысын жаздыру.
Сабақты бекіту:
Сақинаны салғызды,
Сарымсақты сәбізді.
Бастап тұрған қай әріп?-
Сапсыз орақ тәрізді. / С/
Балалар бүгін біз сендермен қандай дыбыспен таныстық? Сабаққа жақсы қатысқан балаларды мадақтау. .....



Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі