Туған жерім – Қызылорда

Мен Қазақстан мемлекетінің Қызылорда қаласында туылдым. Қызылорда қаласы Қазақстанның оңтүстігінде орналасқан. 1938 жылдың 15 қаңтар күні Оңтүстік Қазақстан облысының аумағында құрылған. Қаламыздағы Ұлы Жібек жолы-әлем өркениеті тарихының аңызды жетістіктерінің бірі. Қызылорда -әдемі қала. Қызылордада Сырдария өзені бар. Қызылордада күріш өседі. Мұнай мен газ өндіріледі. Өзімнің Қызылорда қаласында туылғанымды мақтан етемін.
Шуақты боп тұрсың сен.
Қызылорда қалам менің,
Әйгілі күріші өскен.
Мақтанам далаңменен!
Шуақты,нұрлы қала,
Қызылорда туған жерім,
Жайнай бер,жарқырай бер!
Өзіңді әнге қосам!
Қызылорда- әдемі қала. Әр адам өз туған жерін мақтан етеді. Мен де өз туған қаламды мақтан етемін. Қаламызда түрлі әсем ғимараттар мен зәулім үйлер,балабақшалар мен балаларға арналған жаңа ойын –сауықтыру
орталықтары ашылуда. Денсаулығымызды шынықтыру мақсатында спорт орталықтары да көптеп ашылуда. Туған қаламда түрлі қызықты концерттер мен мәдени шаралар ұйымдастырылады.
Қаламыздағы мұражай,кинотеатр,облыстық Н.Бекежанов пен А.Тоқмағанбетов театрлары бар. Қаламыздан түрлі өнерпаздар мен ғалымдар, спортшылар шыққан. Мен осы аға апаларымыз секілді өскенде өз қаламның,туған жерімнің дамуына үлес қосқым келеді.
Бізде ғарышқа түрлі ракеталар «Байқоңыр» қаласында ұшырылады. Бұл да біз үшін үлкен мақтаныш. Кейде зардабы да бар екенін естіп те жатамыз. Мен өскенде өз қаламның табиғатын сақтап,қорғағым келеді.Ғарыш әлемін зерттеп,елімді дамытамын.
Туған қаламның әлемдегі керемет қалалардың біріне айналатынына сенімімді білдіремін.