Тіл туралы өлеңдер (қазақ тілі, ана тілі, туған тіл)

Тіл туралы өлеңдер (қазақ тілі, ана тілі, туған тіл)

Тіл туралы өлеңдер топтамасы


 

Қазақ тілі туралы өлең

Күш кеміді, айбынды ту құлады,
Кеше батыр - бүгін қорқак, бұғады.
Ерікке ұмтылған ұшқыр жаны кісенде,
Қан суынған, жүрек солғын соғады.

Қыран құстың кос қанаты кьірқылды,
Күндей күшті күркіреген ел тынды.
Асқар Алтай - алтын ана есте жоқ,
Батыр, хандар - асқан жандар ұмытылды!

Ерлік, елдік, бірлік, қайрат, бақ, ардың -
Жауыз тағдыр жойды бәрін не бардың...
Алтын Күннен бағасыз бір белгі боп,
Нүрлы жұлдыз - бабам тілі, сен қалдың!

Жарық көрмей жатсаң да ұзақ, кен-тілім,
Таза, терең, өткір, күшті, кең тілім,
Таралған түрік балаларын бауырыңа
Ақ қолыңмен тарта аларсын сен, тілім!

Авторы: Мағжан Жұмабаев



Қазақ тілі – қазақтың ана тілі,
Бірақ оған адам аз бас иетін.
Қазақ тілі – қазақтың дара тілі,
Кейбіреулер түсінбес қасиетін.
Кейбіреулер өз тілін шұбарлайды,
Орыс тілі сіңген ғой санамызға.
Неге олар «тілім» деп қуынбайды,
Шынымен-ақ басқа боп барамыз ба?
Бұл менің ұлтты сүйген өздік ойым.
Өз тілімде керемет ақыл –ойым.
Қасиетті қазақ тіл – бабам тілі,
Ол тарих, сенің, менің абыройым!


Туған тілім - ана тілім


Туған тілім-бабам тілі-өз тілім,
Туған тілім-анам тілі-өз тілім.
Туған тілім-далам тілі-өз тілім,
Туған тілім-адам тілі-өз тілім.
Туған тілде сыры терең жаным бар,
Туған тілде әнім менен сәнім бар.
Туған тілім тіл болудан қалса егер
Жүрегімді суырып-ақ алыңдар.
«Сүйемін туған тілді анам тілін,
Бесікте жатқанымда-ақ берген білім.
Шыр етіп жерге түскен минутімнен,
Құлағыма сіңірген таныс үнім.
Сол тілмен шешем мені әлдилеген,
Еркелеткен, құлыным, жаным деген.
Сол тілменен бірінші білгізілген,
«Апа» деген сүйгендік сөз һәм менен.
Қалжақтап алып қашып құрбы бөркін,
Сол тілменен ойнадым далада еркін.
Сол тілменен бірінші сыртқа шыққам,
Өмірден, ен даладан ұққам көркін.
Сол тілменен білгіздім тілегімді,
Бірінші сүйген жарға жүрегімді.
Маған қарай тығылып «жаным» деген,
Мойнына апарғанда білегімді.
Сол тілменен үйрендім нәрсе аттарын,
Сол тілменен ұғынды, әдетті мен жаттадым,
Ең бірінші сол тілмен сыртқа шықты,
Сүйгенім, жек көргенім, ұнатқаным».

Автор: Сұлтанмахмұт Торайғыров


Ана тілі туралы өлең


Қадірлі, бағасы алтын анам тілі,
Сенімен бағаланған балаң түрі.
Төрт бөліп түн ұйқысын жұбатам деп,
Сенімен әлдилеген анам мені.

Бесікте белім буып бітіскемін,
Сөйлесіп шешем жүнін түтіскемін.
«Апа», - деп, «Ә», - деп жылап, аузымды ашып,
Емшектен еңбек қылып сүт ішкемін.

Маңымды сеніменен танығамын,
Сеніменен қуанып, налығамын.
Дене ауырлап, жан жалқау тартқан шақта,
«Уһ» деп шаршап, дем алып шалығамын.

Тілегенім, қорыққаным – бәрі де сен,
Сасқанда да жармасам ойбайыңмен.
Апкәусар болса дағы ұжмақтағы,
Тәттілікті көрмеспін сенімен тең.

Ілияс Жансүгіров



Ана тілім,
Жүрегісің анамның.
Жүрек-ана,
Мен өзіңнен жаралдым.
Сағат сайын саулығыңды тілеймін,
Сенсіз мынау керегі не ғаламның!
Сенің әр бір тынысыңмен күн кешем,
Сен арқылы тіршілікпен тілдесем.
Ел бетіне қалай түзу қараймын,
Ана тілім,
Егер сені білмесем.
Сенің арқаң дүниеден сыр ұқсам,
Сенің арқаң жүзіп ішсем тұнықтан.
Туған анамды ұмытқаным емес пе,
Туған тілім,
Егер сені ұмытсам.
Сенің арқаң өзімді өзім түсінсем,
Ақыл-ойым, айбатым-сен, күшім-сен!
Қойсын маған күннің нұры түспей-ақ,
Ана тілім,
Арыңа дақ түсірсем.
Ағытатын тасқын ойдың тиегін,
Өзің ғана сыйынатын киелім!
Ризамын отқа жанып сен үшін,
Күлге айналып кетсін мейлі сүйегім.
Ана тілім, дана тілім, бақ тілім,
Сенсіз бақыт дүниеден тапты кім?
Сенсің менің қуанышым, шаттығым,
Сенсің менің тазалығым, пәктігім.
Ана тілім,
Алтын ұям, құндағым,
Ақ бесікте әлдиіңді тыңдадым.
Сенің жырың, сенің әнің айтарым,
Санам сөніп, байланғанша тіл-жағым!

Несіпбек Айтұлы


Тіл туралы өлең


Қуатым – ана тілім
Қазағым, қайда жүрсең біл тіліңді,
Айтады ана тілсіз кім түбіңді?
Қайсыбір қандастарым шүлдірлесе,
Жүрегім біз сұққандай мың тілінді.
Қуатым – ана тілім ақ сүт берген,
Жан емен, сен бар кезде қаңсып көрген.
Өлеңде топқа түссем, өзіңсің ғой,
Әперген маған орын ашып төрден.
Қалса егер, жалғыз сәтке қалғып тілім,
Дей бергін ауа жетпей, қарлықты үнім.
Сен барда терезем тең, еңсем биік,
Қасында тұрсам-дағы қай мықтының!
Ардағым, ана тілім - жан мерейім,
(Жүзіңнен әрқашан да таң көрейін).
Сен болсаң, көш бастаушым келешекке,
Соңыңнан көзім жазбай, мәңгі ерейін.
Төбемде тұса сенің жанып нұрың,
Демеймін сөз сөйлеуден жалықты ұлың!
Түсінгін ардақ тұтқан ана тілім,
Екенін жан сырымның анық мұның!

Жариялаған: ЖАРАР Алихан


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 46
  1. Асем Сейтканова
    7 + 7 -
    Керемет ұнады
  2. Бактыкул Жаксылыкова
    6 + 7 -
    Өлердей шүшті екен
  3. Алихан Тотибек
    Алихан Тотибек 03.09.2016 06:38
    3 + 4 -
    Сұлтанмахмұт Торайғыров
  4. Алихан Тотибек
    Алихан Тотибек 03.09.2016 06:38
    5 + 4 -
    Сұлтанмахмұт Торайғыров Дереккөзі: https://www.zharar.com/kz/olen/1054-til.html © www.ZHARAR.com
  5. Алихан Тотибек
    Алихан Тотибек 03.09.2016 06:38
    8 + 3 -
    Сұлтанмахмұт Торайғыров
  6. Талғат Қалиев
    Талғат Қалиев 19.04.2016 18:57
    2 + 1 -
    өте сәтті ашылған сайт, болашағы құтты болсын!!!!!!!!!!
  7. Сагыныш Болатбек
    4 + 0 -
    Супер
  8. Акмарал Кушербава
    2 + 0 -
    Ана тілі туралы айтылған асыл сөздер!
  9. Акмарал Кушербава
    2 + 0 -
    Керемет өлеңдер
  10. Батырхан Рамазанов
    2 + 3 -
    өте жаксы
  11. Замира Алламбергенова
    1 + 0 -
    Маған туған жер туралы өлең керек еді
  12. Нурлан Алтыбаев
    1 + 0 -
    соңғы өлеңнің афтыры кім
  13. Нурайым Онгар
    Нурайым Онгар 14.11.2015 16:13
    1 + 0 -
    Авторы ким отинем жылдам жауап жазасяздар ма?
  14. Нурайым Онгар
    Нурайым Онгар 14.11.2015 16:12
    1 + 0 -
    Авторы ким отинем тез жауап бериниздерши
  15. ZHARAR
    ZHARAR 24.10.2015 22:04
    2 + 0 -
    мында http://www.zharar.com/kz/olen/6026-kazakh_550.html
  16. Мадияр Осербаев
    1 + 0 -
    Супер Все ок Оте жаксы Бирак 550жылдыкка олен керек еди
  17. Aues Kozhan
    Aues Kozhan 07.10.2015 18:57
    1 + 0 -
    авторды неге жазбайды
  18. Айдын Маканова
    Айдын Маканова 29.09.2015 09:37
    3 + 0 -
    Жаксы екен, маган унады!
  19. Exo Dus
    Exo Dus 22.09.2015 21:52
    1 + 0 -
    Шыңғыс Айтматовтың өлеңі бар ма? Тіл туралы
  20. Нургул Елдибаева
    1 + 0 -
    Керемет ????